Новости

«Заң мен тәртіп» тұжырымдамасы – қоғамның тұрақты және орнықты дамуының негізі. Кәсіпқой және азамат ретінде қалыптасу кезеңінде тұрған студенттер үшін құқықтық мәдениеттің маңыздылығын және заңға құрметпен қараудың мәнін түсіну ерекше маңызды болып табылады.

13 қазан күні Жоғары құрылыс-экономикалық колледжі базасында «Студент және заң: өзекті сын-қатерлер мен мүмкіндіктер» атты конференция өтті. Іс-шара «Заң мен тәртіп» тұжырымдамасын және «Адал азамат» тәрбие бағдарламасын іске асыру аясында ұйымдастырылды.

Конференцияның мақсаты – жастардың құқықтық мәдениетін қалыптастыру және құқықбұзушылықтардың алдын алу. Спикерлер өз құқықтары мен міндеттерін білудің, сондай-ақ оларды нақты өмірде қолдана білудің маңыздылығына ерекше назар аударды. Студенттердің сыни ойлауын және құқықтық сана-сезімін дамыту мәселесіне де айрықша көңіл бөлінді.

Жастардың құқықтық сауаттылығы мен азаматтық белсенділігін арттыру – аса маңызды міндет, өйткені ертеңгі қоғамның келбеті бүгінгі студенттерге байланысты.

Конференцияға студенттік парламент президенттері, «Саналы ұрпақ» клубының мүшелері, әлеуметтік педагогтар және бірінші курс студенттері қатысты. Іс-шараға барлығы 150-ден астам ТжКБ ұйымдарының студенттері жиналды.