Психологиялық денсаулық — ұлт саулығы! «Психологиялық денсаулық — ұлт саулығы!» онкүндігі аясында мектебімізде педагог-ассистенттер ұйымдастырған «Көңілді үзілістер» өткізілді. Үзіліс кезінде білім алушылар ұжымды біріктіруге, өзара әрекеттесу, бір-біріне көмектесу және ізгі қарым-қатынас дағдыларын дамытуға бағытталған қызықты ойындар мен жаттығуларға қатысты. 🤝 Зейінді, есте сақтауды, ойлауды, байқағыштықты және жылдам әрекет ету қабілетін дамытуға арналған танымдық жаттығуларға ерекше көңіл бөлінді. Білім алушылар тапсырмаларды қызығушылықпен орындап, белсенділік танытты, бірлесіп жұмыс істеуге, бір-бірін қолдауға және ортақ жетістіктерге қуануға үйренді. ✨ Мұндай іс-шаралар мектеп ортасын достыққа толы әрі жайлы етуге, жағымды эмоционалдық көңіл күй қалыптастыруға және білім алушылар арасындағы ізгі қарым-қатынасты нығайтуға ықпал етеді. 💚 Психологиялық денсаулық қарапайым нәрселерден басталады: күлкіден, қолдаудан, достықтан және жылы қарым-қатынастан!