Ұстаздар күні-бұл білімнің бастауы саналатын ұстаздарға құрмет көрсетіп, олардың еңбегін ерекше атап өтетін күн. Ұстаздар -білім мен бағыт-бағдар беретін, әрбір адамның арман -мақсаттарына жету жолында қолдау көрсететін тұлғалар. Ұлағатты ұстаздар мерекесі қарсаңында мектебімізде "Ұстаз-ұлы тұлға" тақырыбында мерекелік іс-шара өтті. Іс-шараны мектебіміздің директоры Сердалина А.С. құттықтау сөзімен бастады. Кәсіподақ ұйымының төрайымы Мажикеева Ж.Н. ұстаздарды құттықтап, құрмет грамоталарымен және мақтау қағаздарымен марапаттады. Мектебіміздің жас ұстаздары "Ұстаз-жолы осындай" деген композициялық қойылыммен кешімізді ашып берді, оқушылар ұстаздарға арнап өлең, ән, би билеп өз өнерлерін көрсете білді.