Новости

Кітап – адамзат баласының баға жетпес асыл құндылығы. Білім мен мәдениеттің биік белестеріне жетелейтін – тәрбие құралы. Шығыс ойшылы Науаи: «Кітап – ақылына ақы сұрамайтын алтын қазына» десе, Абай атамыз «Танымның бар тамашасы – кітапта, оған қол жеткізу үшін кітап оқудан жалықпа», «Артық ғылым кітапта, ерінбе оқып көруге» деп насихаттайды. Мағыналы сөздерден кітап оқудың кез келген тұлғаны дамытудың қайнар көзі екенін түсінесің.

Кітаппен дос болу адам баласының ми, ойлау жүйесінің белсенділігін арттырып қана қоймай, оның өмір жасының ұзақ болуына да септігін тигізетін көрінеді. Күн сайын мектепке келген оқушыға «Оқу сағаттары» ұйымдастырылып, кітап оқыту дәстүрі қолға алынған.