Новости

Бүгін 25.04.2022 жылы қазақ тілі мен әдебиеті пәні бірлестігінің онкүндігі аясында «БАТА МЕН БЕСІК ЖЫРЫ – ТӘРБИЕНІҢ ҚАЙНАР КӨЗІ» атты танымдық сайысы болып өтті.Сайысқа әр бірлестіктен бесік жырын жырлап әжелеріміз шықса, жасы үлкен ағаларымыз өздерінің ақ батасын беріп, ізгі ниеттері мен ақ тілектерін жолдады. Шарамыздың мақсаты: бүгінгі жастарға батаның қасиетті ұғым екенін ұғындыру және бесік жырының ұлттық болмыстың, ұлттық танымның алғашқы негізі екенін насихаттау. «Баталы құл арымас, Батасыз құл жарымас», «Баталы құлға бақ қонар», «Бота алғанша — бата ал» сынды мақал-мәтелдер арқылы батаның қандай құндылыққа ие екенін көруімізге әбден болады. Осындай құндылықтарымызды бойына сіңіріп өскен жас ұрпақтың ертеңінен үміт күттірері сөзсіз.