Новости

Мектеп психологі Әсел Сәруарқызы мен сынып жетекші Әсем Қайырғалиқызы Қазақстан Республикасы Тәуелсіздігінің 30 жылдығына арналған «Құқықтық сауаттылық — уақыт талабы» атты 8-10 сынып ұлдарымен батылдық сабағын өткізді.

Күн тәртібінде: 1. Әлімжеттіктің алдын алу;

2. Мектептегі зорлық-зомбылықтың түрлері;

3. Аутодеструктивті мінез-құлықтың алдын алу.

Қоғам үшін ең бастысы – тәуелсіздік, адам үшін бас бостандығы және уайым қайғысыз өмір. Оның кепілі – заңдылық. Тәуелсіздік төрімізден орын алған қоғамымыздағы ең басты құндылық – адам бостандығы. Қазақстанда салауатты өмір салтына қол жеткізуде, денсаулықты сақтау мен нығайтудағы басты міндеттің бірі – бала құқығын қорғау, зорлық-зомбылыққа қарсы күрес жүргізу.

Ер адам мінезінің бір қыры — әрқашан да сөзде тұру, айтқанды орындау. Бүгінгі ер адамдарға тән қасиет туралы ұзақ айтып, пікір тыңдалды.

Соңғы кездері мектеп жасындағы оқушылардың өз-өзіне қол жұмсап, бесіктен белі шықпай ажал құшқандар саны күн санап артып отыр. Өмірлерін енді ғана бастаған жас ұрпақтың осылай оп-оңай жарық дүниемен қоштасуларына не себеп екенін оқушыларға бейнебаян арқылы көрсетіп, себеп-салдарына тоқталып, ұлдар өз ойларын ортаға салды. Үлкен ұстаздардың кеңесін көңілдеріне түйді.