СҚО орыс тілді мектептердегі қазақ тілі мен әдебиеті мұғалімдері «Отан. Ту. Тіл» тақырыбында челленджді
Білім беру саласындағы әдістемелік жұмыс және ақпараттық технологиялар орталығы, Тәуелсіздігіміздің 30 жылдығына орай СҚО-ның қазақ тілі мен әдебиеті мұғалімдерінің зертхана мүшелері ұйымдастырылған «Отан. Ту. Тіл» тақырыбында челлендждін орыс тілді мектептердегі қазақ тілі мен әдебиеті мұғалімдері жалғастырады.
Әр халықтың өзінің ана тілі бар. Тіл – жеке адам ойлап тапқан туынды емес, ол барша ұлтқа ортақ, соның төл перзенті. Сол халықтың мәдени әлеуметтік өмірінде өзіндік мәні бар киелі ұғым.
Қазақстанда тұратын жүзден аса ұлт өкілдері Қазақстанның халқын, соның ішінде қазақ халқының тұрмыс-тіршілігін, әдет-ғұрпын, мәдениетін, әдебиетін, тілі мен тарихын білуге міндетті.
ХХ ғасырдың ұлы жемісі – қазақ халқы үшін Егемендіктің көк туы желбіреуі. Ата-бабаларымыз көксеген, армандаған тәуелсіздікке қол жеткіздік. «Тілден асқан байлық жоқ» мал-мүлік, алтын-күміс байлығы түпкілікті емес. Ендігі мақсатымыз - ұлттық рухты, түскен еңсені көтеру. Ұлттық мінез, ұлттық намыс, ана тілі жоқ жерде – ұлт та жоқ. Халықпен бірге мәңгі жасайтын тіл байлығы екенін ұмытпайық.
