Новости

Білім беру жүйесінде ерекше маңызды болып табылатын мәселелердің бірі – оқытуды үйлестіру, яғни оқу үрдісінде жаңа технологияларды пайдалану болып табылады. Оқытудың жаңа педагогикалық технологияларын меңгеру мұғалімнен орасан зор іскерлік пен шығармашылыққа негізделген ізденістерді қажет етеді. Қазіргі білім беру жағдайына байланысты еліміздің барлық мұғалімдері қашықтықтан сапалы білім беруде әртүрлі технологияларды, әртүрлі платформаларды жан-жақты пайдаланып сабақтарын беріп жатыр. Білім бөлімдері дайындаған видеосабақтарды да қолдану үстінде. Дегенмен оқушылар басқа мұғалімнің сабағын емес, өзінің мұғалімі дайындаған сабақтарды жақсы түсініп, қабылдайтыны анық. Соған байланысты өзінің озық тәжірибесімен Қазақ мектеп-гимназиясының география пәні мұғалімі Гульжан Қабдошқызы Рахматулина OBS бағдарламасымен сабақтарды әзірлеу жұмысымен бөлісіп отыр.