2020 жылғы қарашаның 26 күні мектебіміздің 579 оқушысы «Жас Ұлан» бірыңғай балалар мен жасөспірімдер ұйымы қатарына қабылданды, олардың 286-сы «Жас Ұлан», 293-і «Жас Қыран» қатарына өтті.
Аталған рәсімнің «Тұңғыш Президент күні» қарсаңында өткізілуі қазақстандық патриотизмді әр оқушының бойына өмірлік ұстанымы ретінде қалыптастыруды мақсат етті.
Қазақстан Республикасының Тұңғыш Президенті Нұрсұлтан Назарбаевтың «Болашаққа бағдар: рухани жаңғыру» атты бағдарламалық мақаласында осы жас өрендерді бәсекеге қабілетті, өзіміздің құндылықтарымыз бен дәстүрімізді құрметтеп сақтайтын етіп тәрбиелеу қажеттігі ерекше аталған болатын.
Елбасы болашақ ұрпаққа ішкі руханият арқылы сыртқы өзгерістерді жақсы жағынан қабылдап, жаңғырудың даңғыл жолына түсуін көрсетті. Жол соқпақтарынан қалай өту керектігін айтып, бағыт-бағдар берді.
«Жас Ұлан», «Жас Қыран» қатарына өткен оқушылар да осы Елбасымыз меңзеген дара жолдан ауытқымай еліміздің өркендеуіне өз үлестерін қосады деген айқын сенімдеміз.
Автор: 27mektep
Добавлено: 26.11.2020 в 12:00
.jpg)
