Новости

Үздік оқушылар онлайнда «Жас ұлан» ұйымына қабылданды

     Бүгін Міржақып Дулатұлы атындағы № 68 мектеп-гимназияның ұйымдастыруымен онлайн жүйесінде «Жас Ұлан» балалар мен жасөспірімдер ұйымының қатарына оқушыларды салтанатты қабылдау рәсімі болып өтті.
   Салтанатты рәсім Мемлекеттік Гимні қойылуымен басталды. Бірыңғай балалар ұйымынының жаңа жүйесін құру Елбасы Н. Назарбаевтың бастамасы болып табылады. Ұйымның алғашқы мүшелерін салтанатты түрде қабылдау 2011 жылы 1-қыркүйекте қазіргі Нұр-Сұлтан қаласында өткен болатын.
Іс-шара барасында «Жас Ұлан» ұйымының аға тәлімгері Т. Тлеубекова ұйымның нәтижелі жұмыстарына тоқталып, осы қатысқан жасқырандықтарға арнайы сертификат берілетіндігін жеткізді. Ұйым ұланбасы Түсіпбекова Мөлдір бүгінгі онлайн-салтанатты қабылдау сәтті өтуіне тілектес екенін айтты.  Жасқырандықтар атынан 4 «А» сынып оқушысы Ермекова Бибінұр ант қабылдады. Қалған қабылданушылар тікелей эфирде «Ант етеміз» деп хормен қайталады.
    Мектеп директоры Баяхметова Күнімбала Ізтөлеуқызы: «Бүгін біз тұңғыш рет онлайн форматында «Жас Ұлан» және «Жас қыран» ұйымына 45 оқушы қабылдап отырмыз. Сіздер үшін бұл есте қалатын жарқын сәт. Ұстанымға берік, білімге құштар, антқа адал болыңыздар» деп сенім білдірді.
Ал мектебіміздің ардагер ұстазы, ҚР Білім беру ісінің құрметті қызметкері, қадірлі ата-ана Есенбаева Роза Түзелбайқызы ұйым қатарына жаңадан қабылған оқушыларға ақ батасын берді.
     Онлайн-жиынға директордың тәрбие жөніндегі орынбасарлары Рустемова Жанар Тлеубергеновна, Есіл Жанаргүл Өмірзаққызы, педагогтар  және жасұландықтардың ата-аналары қатысты.