Новости

Нұр- Сұлтан қаласы №67 гимназиясында қашықтықтан «Зерде» республикалық конкурсының 1-7 сынып оқушылар арасындағы зерттеу жұмыстары мен шығармашылық жобаларын іріктеу мектепшілік байқауы өтті. Байқауға арнайы шақырылған қонағымыз Л.Н.Гумилев атындағы Еуразия ұлттық университетінің механика-математика факультетінің деканы Қозыбаев Данияр Хайбилдаұлының қатысуымен өткізілді. Мақсаты - оқушылардың шығармашылық белсенділігін дамыту, ғылыми-зерттеу жұмыстарына қабілетті дарынды оқушыларды шыңдау және оларға қолдау көрсету болып табылады. Оқушыларымыз пән мұғалімдерімен бірігіп дайындаған ғылыми жобаларына, математика, информатика, өлкетану, этномәдениеттану, медицина, экология, валеология, секциясы бойынша қатысты. Қатысушылар өздерінің жобаларына презентация дайындап, қорғады. Оқушыларымыз қорғаған жұмыстарға Данияр Хайбилдаұлы таңдаған тақырыптың өзектілігіне, мазмұнының тақырыпқа сәйкестігіне, зерттеу нәтижелеріне өз ұсынысын білдірді. Зерттеу жұмыстардың ішінен ең үздік жұмыстары іріктеліп, оқушыларымыз қалалық байқауға жолдама алды.