"Жанұяда СЕНІМ,СЫЙЛАУ, СИМПАТИЯ /жақтыру,сүйіспеншілік қағидасын /қалай қалыптастырамыз ?" атты ата-аналар жиналысы

Қаңтардың 25-і күні #8 орта мектебінде Жанұяда СЕНІМ,СЫЙЛАУ, СИМПАТИЯ /жақтыру,сүйіспеншілік қағидасын /қалай қалыптастырамыз ? атты ата-аналар жиналысы болып өтті. Жиналыс барысында күн тәртібіндегі қарастырылатын мәселелер қозғалып, мектеп басшысы мен әкімшілігі тарапынан І жартыжылдықтың есебі таныстырылды. Атап айтар болсақ, жыл бойы жоспар бойынша іске асырылатын ТУҒАН ЕЛГЕ ТАҒЗЫМ, ҚОЛДАНБАЛЫ ЭКОЛОГИЯ, ОҚУҒА 100 КІТАП, АДАЛДЫҚ АЛАҢЫ атты төрт бірдей жобаның жетістіктеріне, ондағы қамтылған оқушылар саны атап өтілді. Қорытындылаушы кезеңінде ата-аналарымыз пән мұғалімдерімен бірге жаңартылған білім беру бағдарламасы шеңберінде жеке әңгімелесіп, оқушыға қай пәннен көмек керек екендігі анықталды. Көкейде жүрген сұрақтарына ата-аналар жауап алып , балалардың жазба жұмыстарымен танысты. Қыркүйек - желтоқсан айлары аралығындағы өткізілген аудандық,қалалық,халықаралық сайыстар мен байқаулардың, олимпиадалардың , түрлі жобалардың жеңімпаздары Қамқоршылық кеңесі мүшелері мен ата-аналар, мектеп ұжымының алдында басшымыз Гүлнұр Ерсайынқызының қолынан дипломдармен марапатталды.