« Өлмейтұғын артына сөз қалдырған»
14 ақпан күні мектеп кітапханасында 5 «Г» сынып оқушыларының қатысуымен қазақтың ұлы ағартушы ақыны, қоғам қайраткері және сазгері Абай Құнанбаевтың туғанына 175 жыл толуына орай «Өлмейтұғын артына сөз қалдырған» атты әдеби сазды кеш өткізілді.Кітапханашы алғы сөзінде бар ғұмырын поэзия мен ағартушылыққа арнаған және қазақ халқының ұлттық тарихы мен рухани дамуында өшпес із қалдырған ұлы қазақ ақыны Абай Құнанбаев туралы әңгімеледі. Абай Құнанбаевтың 175 жылдығын мерекелеу қарсаңында оның даналығының сарқылмайтынын тереңірек ұғына түскенімізді және жаңа дәуірдің жаңа ұрпағы оның шығармашылығынан өшпес жаңашылдық табатынын атап өтті.Әдеби кеш барысында «Абайдың Жидебайдағы мұражайы» атты слайд-тұсаукесері көрсетіліп,оқушылар өздерінің сүйіп оқитын Абайдың өлеңдерін жатқа айтты.«Әлемге танылған Абай» атты кітап көрмесінде ұсынылған әдебиеттерге библиографиялық шолу жасалып, Абайдың «Желсіз түнде жарық ай» өленің оқушылар орындап шықты. Шара соңында «Әдеби джем» ойыны ойнатылды.
