Новости

«Жетекші мектеп жағдайында STEAM-білім беру: оқытудың жобалық әдісі және табысты тұлға» (тақырыбында қазақ тілі мен әдебиеті пәні мұғалімдерінің облыстық зертханасының кезекті отырысы)

М.Жұмабаев атындағы Петропавл гуманитарлық колледжінің жанындағы жалпы білім беретін мектеп-лицейінде қаңтар айының 23 күні «Жетекші мектеп жағдайында STEAM-білім беру: оқытудың жобалық әдісі және табысты тұлға» тақырыбында қазақ тілі мен әдебиеті пәні мұғалімдерінің облыстық зертханасының кезекті отырысы өтті. Семинарға Петропавл қаласынан және аудандардан келген 20 мұғалім қатысты.

Лицей ұстаздары Ауганбаева Зухра Нұрмолдақызы қазақ әдебиетінен А.Байтұрсыновтың «Егіннің бастары» өлеңі. Әке өсиеті» тақырыбында сабақ беріп, өз тәжірибесімен бөлісті. 5-сынып оқушылары сабақ барысында STEAM-білім беру бойынша үй жағдайында бидай өсіру тәсілімен танысып, өздері үйде өсіріп, бақылау жасау үшін бидай екті. Жүзен Бақыт Ермекқызы «Биотехнологияның негізгі бағыттары. Мезгіл бағыныңқы сабақтас құрмалас сөйлем» тақырыбында қазақ тілінен сабақ берді. Сабақ барысында оқушылар лимон, сірке суын үй жағдайында халықтық тәсілдермен қалай тиімді қолдауға болатыны жайлы тәжірибе жасады. Мезгіл бағыныңқы сабақтас құрмалас сөйлемнен макет жасады. Сонымен қатар, Бақыт Ермекқызы тәлімгерлік бойынша өз жұмыстарының нәтижесімен бөлісті. Нүрикамал Тлектесқызы Можганова мен Балбота Азаматқызы Аюпова өзге ұлт оқушыларымен дайындаған «Мен елімді жырлаймын!» тақырыбында А.Құнанбаев, М.Жұмабаев және «Үш бәйтерек» шығармашылығына арналған әдеби-сазды қойылым көрсетті. Лицей оқушылары сабақта да, сыныптан тыс шарада да табысты тұлға атану жолдарын көрсете алды.

Семинар жоғары дәрежеде өтті. Әріптестер жаңартылған білім беру мазмұны аясында оқушыларды жеке тұлға ретінде функционалдық сауаттылыққа тәрбиелеуде STEAM-білім берудің алатын орны жайлы лицей ұстаздары берген сабақтардан өз қоржындарына мол тәжірибе алып кетті.

STEAM білім беру әдісі бойынша ашық сабақ
STEAM білім беру әдісі бойынша өткен
ұйымдастырылған сергіту сәті