Новости

"Жалын" шығармашылық тобы жас мамандарға арналған ашық сабақтар өткізді.

Ғали Орманов атындағы № 7 мектеп-гимназиясында 2019-2020 оқу жылының 7-15 қазан аралығында «Жалын» атты шығармашылық топ «Жас маманға әдістемелік көмек» апталығын жоспарлап, ашық сабақтар көрсетті. Тәжірибесі мол, шығармашыл мұғалімдер жас мамандарға  АКТ-ні  қолдану, жеке, жұппен, топпен жұмыс, жаңа оқыту технологиялардың  қыр-сырымен таныстыра отырып, жаңартылған оқу мазмұны бойынша сабақтар көрсетті. Мұғалімдер оқу бағдарламасы мен оқу жоспарында көрсетілген оқу мақсаттарын басшылыққа алды. Оқытудың нәтижесінде оқушылардың сын тұрғысынан ойлау, өздігінен зерттеу және жаңа ақпаратты терең талдау дағдыларын қалыптастырды.
Апталықтың қорытындысы ретінде мектеп директорының әдістемелік ісі жөніндегі орынбасары Г.А. Абдикаримова «Жас маманға көмек - заман талабы» атты дөңгелек үстел өткізді.
Отырыс барысында өткізілген сабақтарға талдаулар жасалып, мұғалімдер сабақтарына сараптама жасады. Жас мамандар топ мұғалімдеріне кері байланыс берді.