Новости

 №74 мектеп – гимназиясында мектеп Ұланбасын салтанатты ұлықтау рәсімі өтті.

Нұр – Сұлтан қаласындағы №74 мектеп – гимназиясында мектеп Ұланбасын салтанатты ұлықтау рәсімі өтті. Оқушылардың өзін-өзі басқару ұйымының көшбасшысы лауазымына тағайындалған 10 «А» сыныбының оқушысы Тоқташев Қазбек оқушылар мен мектеп қызметкерлеріне ресми түрде таныстырылды.
Биыл 7–10 сынып оқушылары арасынан Ұланбасына 6 үміткер сайлауға түсуге ниет білдерді. Сайлаудың басты кезеңі – дауыс беру науқаны қыркүйек айының 30 жұлдызында өтті. Сайлауға белсенді қызығушылық танытқан мектеп ұжымы өз таңдауын мектеп болашағы үшін жасады. Барлығы 617 адам дауыс берді. Әдеттегідей оқушылар бюллетень толтыру арқылы дауыс берді. Сайлау комиссиясының ақпаратына сәйкес, сайлау қорытындысының нәтижесінде жоғары дауыс санын жинаған 10 «А» сыныбының оқушысы Тоқташев Қазбек 51 % жеңіске жетті. Дауыс бергендер саны бойынша екінші орынға 9 «Ә» сыныбының оқушысы Сабыржанова Гүлнұр (18,6 %), үшінші орынға - 9 «А» сынып оқушысы Досмұратова Нұрбейне  (14,9 %) тұрақтады. Жаңадан тағайындалған мектеп Ұланбасын ұлықтау рәсіміне арналған салтанатты шарада барлық мектеп қауымдастығына таныстырылды.

Мектептің жаңа Ұланбасын алғашқы болыпқұттықтаған мектеп директоры Ж. Нүсіпжан мектептегі өзін-өзі басқару ұйымының атқарар рөлі зор екенін атап өтті, себебі оқушылар өз идеяларын ұсынумен қатар, олардың өзге оқушылардың пайдасы үшін жүзеге асыруына да қатыса алады, сонымен бірге, көшбасшылық қасиеттерін дамыта отырып, белсенді өмірлік ұстанымы бар азамат болып тәрбиеленеді.