Новости

№4 мектеп- гимназиясында "Жас Ұлан" ұйымының Ұланбасын ұлықтау рәсімі өтті.

    Ағымындағы жылдың 9  қазан күні Нұр-Сұлтан қаласы Жамбыл Жабаев атындағы №4 мектеп- гимназиясында "Жас Ұлан" ұйымының Ұланбасын ұлықтау рәсімі өтті. Сонымен қатар "Жас Ұлан" ұйымының Көшбасшыларына төс белгілер тағылды. «Жас Ұлан» республикалық балалар мен жасөспірімдер ұйымына 8-10 сынып аралығындағы оқушылар қабылданды. Екі жыл бойы мектеп тізгінін ұстаған Төлепберген Диас Ұланбасы атағын және медальін, 8Г сынып оқушысы Мүбәрак Алмасқа  табыстады. Өз кезегінде Мүбәрак Алмас салтанатты түрде АНТ қабылдады. Осыған қоса, «Жас Ұлан» ұйымының Көшбасшылары мемлекетке және мектепке адал қызмет етуге АНТ беріп, оқушыларға өз ұрандарын жариялады. Мерекелік іс-шара мыңбұралған бимен ашылып, мемлекеттің қасиетті туымен қуанышты сәтте аяқталды. Алдағы уақытта «Жас Ұлан» ұйымына және Ұланбасымызға тек сәттілік тілейміз