Новости

Целинный орта мектебінің оқушылары жазғы демалыста Рухани Жаңғыру аясында Информатика мұғалімі Даурен Қадыржанұлымен бірге Құлсары Әулие ескерткішіне барып қайтты.

Есiл ауданында Бұлақ ауылынан жетi шақырым жерде Абылай ханның сенiмдi серiктерiнiң бiрi Құлсары батырдың зираты жатыр. XVIII ғасырдан хабар беретiн құжаттарда Құлсары батыр ел бiрлiгi мен ынтымағы жолында еңбек еткен мемлекет қайраткерi ретiнде еске алынады. Солтүстiк Қазақстан облысының энциклопедиясында Құлсары батырдың Абылай ханның Ресеймен қарым-қатынас жасаудағы сенiмдi өкiлi де болғандығы айтылады. Оның батырлығы жайында тарихи құжаттарда мәлiметтер сақталмаған. Дегенмен ел аузындағы аңыз-әңгiмелерге қарағанда Қазақ елiн қорғау үшiн он мың қол жинаған дарынды қолбасшы, қаһарман батыр болған.

Халық өзi сүйген батыр қолбасшының қаһармандығы мен даналығына қарай әулие атап кеткен. Өйткенi елге келер қауiптi күн бұрыннан болжай бiлетiн көрiпкелдiгi, сырқатына шипа iздеп келгендердi емдеп қайтаратын қасиеттерi болған.