Новости

Еліміздің барлық мектептерінде бүгін ерекше салтанатты мереке

Кеше ғана жадыраған жазды құшақ жая қарсы алып, мәз-мейрам боп едік. Бүгін жаз да қол бұлғап, есіктен қимай-қимай қарап тұр... Күз бір өзі келген жоқ. Білім күнін ерте келді. Білім күні - жас үшін де, кәрі үшін де мерейлі мереке, зор қуаныш. Еліміздің барлық мектептерінде бүгін ерекше салтанатты мереке. 1 қыркүйек күні Білім күніне арналған салтанатты іс-шара Қазақстан Республикасының Гимнімен басталды. Жаңа оқу жылында мерекелік жиынымызда №74 мектеп-гимназия директоры Нүсіпжан Жеңіскүл Темірханқызы мен жоғары және жоғары оқу орнынан кейінгі білім департаментінің директоры Тойбаев Аділет Жүнісұлына бастаған аса құрметті қонақтардың қатысуымен бір көңіліміз марқайса, жаңа оқу жылында мектеп оқушыларының жаңа үлгідегі бірегей мектеп формасымен келуі көз-жанарымызға оттай басылып, салтанатты жиынның сәнін келтірді. Мәртебелі қонақтарға химия кабинетінде «Технология мен гидропониканы қолдана отырып, өсімдік өнімдерін қолдану» тақырыбында биология-химия біріктірілген мастер-класс, STEM лабораториясында жаңа модификациямен 4 бағытта (инженерия; бағдарламалау; 3D; Робототехника), асханада тамақ үшін қолма-қол ақшасыз төлемдерді цифраландыру көрсетілді. Қазақ елінің ертеңі үшін жасалып жатқан игі қадамдардың бастамасы. білім табалдырығын аттаған бірінші сыныптың қадамдарына гүл бітсін. Ұстазар қауымына қажымас қайрат, білімнің биігінен көрсетер дарынды шәкірт серік болсын.