Новости

1 қыркүйек- білім күні!

Бүгін Төлеген Айбергенов атындағы №16 орта мектепте жаңа оқу жылының алғашқы қоңырауы соғылды. Биыл біздің мектеп қырықыншы рет оқушыларға есігін айқара ашты. Осы жылы мектебімізге 40 жыл! Әдеттегідей 1-ші қыркүйекте Білім күніне орай мерекелік іс- шара өтті.

     2019-2020 оқу жылына біздің мектепке 370 оқушы бірінші сыныпқа қабылданды.  Іс- шараны мектебіміздің директоры Айтмухаметова Балжан Кайртаевна  ашып, барлық қонақтарды 1-ші сынып оқушыларын, ата- аналарды, мұғалімдерді жаңа оқу жылымен құттықтады.

    Жоғары сынып оқушылары қонақтар мен 1-ші сынып оқушыларын өз өнерлерімен қуантты. 11-шы сынып оқушылары мектеп табалдырығын жаңа аттаған балаларға  өсиет тілектерін білдіріп, ал олар өлең шумақтарын жолдады.

    Мұғалімдер мен оқушылар үшін тек 1 қыркүйекте  ғана емес, мектепте өткізген әрбір күн- қуаныш пен шаттыққа толы болсын демекпіз. Осы жаңа оқу жылы барлықтарыңызға  жемісті және шығармашылыққа толы жыл болсын!